Վլադիսլավ Դոբրինին

Որակավորում և փորձ

• Սովորում եմ Եվրոպական օստեոպաթիայի դպրոցում (European School of Osteopathy, Մեծ Բրիտանիա)։
• Երևանում դպրոցի կրթական սեմինարներին մասնակցում եմ նաև որպես բանավոր թարգմանիչ։ Դա օգնում է ինձ խորությամբ ուսումնասիրել օստեոպաթիայի տեսությունն ու գործնական մեթոդները և անմիջականորեն աշխատել դասախոսների հետ։
• Անհատական պրակտիկայում կիրառում եմ մեղմ մանուալ տեխնիկաներ։ Շարունակաբար խորացնում եմ անատոմիայի, ֆիզիոլոգիայի և մարմնի հետ աշխատանքի օստեոպաթիկ մոտեցումների իմ գիտելիքները։

Մասնագետի աշխատանքի ուղղությունները

• Ցավ, մկանային լարվածություն և կարկամություն՝ անհարմարություն մեջքի, պարանոցի, գոտկատեղի և ուսագոտու հատվածներում, շարժունակության սահմանափակում։
• Սթրես և հոգեհուզական լարվածություն՝ աշխատանք սթրեսի մարմնական դրսևորումների հետ և աջակցություն թուլացմանը։
• Վերականգնում ֆիզիկական ծանրաբեռնվածությունից հետո՝ մկանային լարվածության նվազեցում, շարժունակության և ընդհանուր ինքնազգացողության բարելավում։
• Աշխատանք տղամարդկանց և կանանց կոնքի հատակի հետ՝ մեղմ տեխնիկաներ, շնչառական վարժություններ և կոնքի հատակի աշխատանքի համադրում ամբողջ մարմնի շարժումների հետ։ Ներառում է աշխատանք սրբոսկրի և գոտկատեղի հատվածների անհարմարության հետ, ինչպես նաև աջակցություն հետծննդյան վերականգնմանը։
• Աշխատանք երեխաների հետ․ ընդունում եմ 6 տարեկանից։

Ինչպե՞ս է անցնում սեանսը։

Սեանսը տևում է մոտ մեկ ժամ։

Սեանսի սկզբում մենք զրուցում ենք և քննարկում, թե ինչն է ձեզ անհանգստացնում։ Ես հարցեր կտամ՝ հենց ձեր իրավիճակն ավելի լավ հասկանալու համար։

Եթե ունեք վերջին հետազոտությունների արդյունքներ, բերեք դրանք ձեզ հետ։ Այլ հատուկ բան բերելու կարիք չկա։

Դրանից հետո, եթե ձեզ հարմար է, կխնդրեմ մերկանալ մինչև ներքնազգեստը։ Դա կօգնի ավելի շատ տեղեկություն հավաքել հնարավոր դիսֆունկցիաների մասին։

Այնուհետև կկատարենք մի քանի պարզ թեստ․ անհրաժեշտ կլինի կրկնել պարզ շարժումներ։ Թեստերը կօգնեն գնահատել կառուցվածքների շարժունակությունը և որոշել խնդրահարույց հատվածները։

Դրան հաջորդում է մանուալ աշխատանքը։ Սեանսի վերջում կարող եմ առաջարկել վարժություններ՝ արդյունքն ամրապնդելու և նմանատիպ խնդիրները կանխելու համար։

Սեանսից հետո

Սեանսից հետո կարևոր է մոտ երեք օր մարմինը չծանրաբեռնել։ Մի՛ տեղափոխեք պահարաններ, մի՛ գնացեք ծանր մարզման և մի՛ սկսեք ծանր խոսակցություններ։ Իսկ ցանկություն կարող է լինել, քանի որ երբեմն զգացվում է ուժերի մեծ հոսք։ Երբեմն հակառակը՝ շատ եք ուզում քնել կամ ուտել։ Այդ դեպքում ավելի լավ է հենց դա անել։